Consumir ecolóxico, para que?

Cada día hai evidencias máis claras de que a agricultura actual está a destruir as sociedades rurais, o medio ambiente e a saúde de tod@s nos, ó tempo que engrosa os beneficios económicos das grandes empresas. 

A agricultura ecolóxica preséntase como unha alternativa a isto. Pero, polos intereses en xogo no sistema económico actual, ten unha presenza moi reducida no mercado. 

Polo de agora, non hai produción porque non hai consumo, e non hai consumo porque non hai produción. En consecuencia: os alimentos ecolóxicos son produtos dificiles de atopar no mercado convencional, ademáis de ter prezos moi elevados. Semella que a prreocupación polo medio ambiente e a saúde queda reservada para consumidor@s ric@s 

O Bandullo Ecolóxico é unha asociación de consumidores que quere romper con isto. Pretendemos ofrecer @s consumidor@s alimentos e productos feitos dacordo coas seguintes condicións:

• Respeto ó medio ambiente
• Respeto ás sociedades rurais
• Respeto á saúde dos consumidor@s

Queremos alimentos sans para @s consumidor@s e para a Terra, e que ademáis estean ó alcance da maioría. Por isto tamén asumimos a necesidade de formentar o consumo de productos artesáns e ecolóxicos.

Como traballamos?

A asociación contacta cos produtores e establece un listado de produtos. Cada socio realiza un pedido semanal de produtos frescos a partir deste listado, e ademáis, no local temos unha serie de produtos non perecedeiros á disposición d@s soci@s.

Visitamos as explotacións para comprobar se o proceso de produción se axusta ós nosos criterios. Temos establecido un contacto directo entre produt@r e consumid@r.

Funcionamos repartindo, de forma voluntaria, o traballo entre @s soci@s, atendendo o local e formando distintos grupos: produtores, secretariado, difusión, pedidos e reparto.

Produtos dispoñibles

Algúns dos produtos dispoñibles son: legumes, hortalizas, cereais, verduras, lácteos, e moitos máis ... Por ser productos ecolóxicos, só temos produtos de temporada. Podes pedir o listado de produtos actuais no noso local ou a través dos distintos medios de contacto que temos.

Respecto ós prezos, tentamos manter prezos xustos para produtor@es e consumidor@s, estes prezos páctanse e non varían ó longo do ano.